தனியன் / Taniyan

பெருமாள் திருமொழி தனியன்கள் / pĕrumāl̤ tirumŏḻi taṉiyaṉkal̤

இன்னமுதமூட்டுகேன் இங்கே வா பைங்கிளியே! *
தென்னரங்கம் பாட வல்ல சீர்ப்பெருமாள் * பொன்னஞ்
சிலைசேர் நுதலியர்வேள் சேரலர் கோன் * எங்கள்
குலசேகரன் என்றே கூறு

iṉṉamutamūṭṭukeṉ iṅke vā paiṅkil̤iye! *
tĕṉṉaraṅkam pāṭa valla cīrppĕrumāl̤ * pŏṉṉañ
cilaicer nutaliyarvel̤ ceralar koṉ * ĕṅkal̤
kulacekaraṉ ĕṉṟe kūṟu

உடையவர் / uṭaiyavar

PMT.T.1-1

PMT.T.1-2

PMT.T.1-3

PMT.T.1-4

Word by word meaning

பைங்கிளியே! — பச்சை நிற கிளியே!; இன்னமுதம் — இனிமையான அமுதத்தை உண்ண; ஊட்டுகேன் — கொடுக்கிறேன்; இங்கேவா — என் அருகில் வருவாயாக; தென்னரங்கம் தென் — திருவரங்கத்தைக் குறித்து; பாடவல்ல — இனிய கவிதைகள் அருளிச்செய்யவல்லவரான; சீர் — கல்யாண குணங்கள் நிறைந்த; பெருமாள் — பெருமாள் என்ற திருநாமத்தை உடையவரும்; பொன்னின் சிலை சேர் — வில் போன்ற புருவமுடையவரும்; நுதலியர் வேள் — பெண்களுக்கு மன்மதன் போன்றவரும்; சேரலர்கோன் — சேரகுல அரசரும்; எங்கள் குல சேகரன் — எங்கள் குலத்துக்கு பூஷணமானவர்; என்றே கூறு — என்றே வாயாரக் கூறு

பெருமாள் திருமொழி தனியன்கள் / pĕrumāl̤ tirumŏḻi taṉiyaṉkal̤

ஆரம் கெடப்பரனன்பர் கொள்ளாரென்று * அவர்களுக்கே
வாரங் கொடு குடப்பாம்பில் கையிட்டவன் * மாற்றலரை
வீரங் கெடுத்த செங்கோற் கொல்லி காவலன் வில்லவர் கோன் *
சேரன் குலசேகரன் முடிவேந்தர் சிகாமணியே

āram kĕṭapparaṉaṉpar kŏl̤l̤ārĕṉṟu * avarkal̤ukke
vāraṅ kŏṭu kuṭappāmpil kaiyiṭṭavaṉ * māṟṟalarai
vīraṅ kĕṭutta cĕṅkoṟ kŏlli kāvalaṉ villavar koṉ *
ceraṉ kulacekaraṉ muṭiventar cikāmaṇiye

மணக்கால் நம்பி / maṇakkāl nampi

PMT.T.2-1

PMT.T.2-2

PMT.T.2-3

Word by word meaning

அவர்களுக்கே — அடியார்கள் விஷயத்தில்; வாரம் கொடு — பக்ஷபாதம் பூண்டு; குடப்பாம்பில் — பாம்புக் குடத்தில்; கை இட்டவன் — கை இட்டவர்; மாற்றலரை — விரோதிகளின்; வீரம் கெடுத்த — வீர்யத்தைக் கெடுத்த; செங்கோல் — செங்கோலை உடைய; கொல்லி காவலன் — கொல்லி நகருக்கு தலைவரான; வில்லவர் — மற்றுமுள்ள அரசர்களுக்கும்; கோன் — அதிபதியான; சேரன் குலசேகரன் — சேரகுலத்து குலசேகரன்; முடி வேந்தர் — முடி சூட்டின அரசர்களுக்கு; சிகாமணியே — சிகாமணி போன்று குலசேகரப்பெருமாள் ஆவர்; கொள்ளார் — களவு செய்யமாட்டார்கள்; ஆரம் — மந்திரிகளின் சூழ்ச்சியால் ஹாரம்; கெட — காணாமல் போக; பரன் அன்பர் — வைதிகர்கள்; என்று — என்று சொல்லி

Chapter 1